२००८-४-०९ — प्रेस विज्ञप्ति मतदान सकिएपछि के हुन्छ ?
चैत्र २८ गते मतदान कार्य सम्पन्न भएपछि मतदान अधिकृतहरूले आ-आफ्नो मतदान केन्द्रका मतपेटिका जिल्ला सदरमुकाममा ल्याई निर्वाचन अधिकृतलाई बुझाउने छन् । मतदान केन्द्रबाट मतपेटिकाहरू ढुवानी गर्दा राजनीतिक दल तथा उम्मेदवारका प्रतिनिधिहरू र पर्यवेक्षक पनि मतदान अधिकृतको टोलीसँगै र्फकन सक्ने छन् तर यसरी र्फकंदा ढुवानीको लागि यातायातको साधन प्रयोग गर्नु परेको अवस्थामा स्थान पुगेमात्र त्यस्ता प्रतिनिधिहरु सँगै जान सक्ने छन् । स्थान नपुगेमा प्राथमिकता मतदानमा प्रयोग भएका सामग्री र मतदान कर्मचारीलाई दिइनेछ । यस्तो अवस्थामा भरसक सबै उम्मेदवारका तर्फाट प्रतिनिधत्व गराउने वातावरण मिलाउनुपर्छ ।
२००८-३-२८ — प्रेस विज्ञप्ति हालैका दिनमा वढ्दै गएको हिंसात्मक घटना प्रति आयेग चिन्ता, चासो र दुःख व्यक्त
आयोगले आज सरकारमा पनि रहेका केही दलका प्रतिनिधीहरुलाई आयोगमा वोलाई निर्वाचन प्रचार प्रसारका क्रममा निर्वाचनको स्वच्छता, स्वतन्त्रता र निष्पक्षतामा प्रभाव पार्ने कुनै किसिमका अवरोध पुग्ने कार्य नगर्न, कुनै प्रकारको हिंसात्मक गतिविधी हुन नदिन र शीष्ट एवं संयमतापूर्वक प्रचार प्रसार गर्न गराउन निर्देशन दियो।
२००८-३-२६ — सूचना/आव्हान अनुगमन टोली, मुख्य निर्वाचन अधिकृत र निर्वाचन अधिकृतलाई निर्देशन
निर्वाचन आचारसंहिता विपरितका गतिविधि हुन बाट रोक लगाउन र भए गरेको पाइएमा प्रचलित कानून बमोजिम तत्कालै जरिवाना लगायतका आवश्यक कारवाही गर्न सवै अनुगमन टोली, मुख्य निर्वाचन अधिकृत र निर्वाचन अधिकृतलाई निर्देशन दिइएकोछ
संविधानसभा भनेको जनइच्छा बमोजिमको नयाँ संविधान निर्माणका लागि जनताबाट निर्वाचित गरिएका जनप्रतिनिधिहरुको सभा हो । सवै तह, वर्ग र क्षेत्रका जनताको उचित र समानुपातिक प्रतिनिधित्व एवं सक्रिय सहभागितामा उनीहरुको चाहना अनुसारको नयाँ संविधान निर्माण गर्न नेपालमा संविधानसभाको आवश्यकता परेको हो । यसरी बन्ने संविधानमा जनताको स्वामित्व स्थापित हुन्छ । बाँकि...
